shafaq kya hai???
jab raat aur aankh
dono mil kar andhere ki khamoshi pe
apni aankhon se kuchh
ashq girana chahte hain,
taki kuchh kinare gir jaye
taki kuchh sopan mit jaye
taki samast aakash mein
bina gurutva ke
buss tatva rah jaye....
khawabo.n ki bunavat mein
har raat
aur ek jodi aankhein
uski khamosh faza.n mein
apne snigdh dhadkan se
bina palak
bina putli
buss intejar karti hai,
ki kab deep jalenge
kab tansen malhar gayega
ki kab shafaq
apni ratri-ragini ko
kahkashan pe avtarit karega...
shafaq
raat aur aankhon ka adrishya vartul.
No comments:
Post a Comment